急速赛车網議政事:滿口「寧玉碎」 遇事「作瓦全」


  「本民前」偉哥仰(黃台仰)噚日被爆懷疑棄保潛逃,上月原定要返大埔警署報到,及向法庭交出旅遊證件,但統統都冇蒲頭,高等法院法官發出拘捕令,偉哥仰正式被通緝。一眾網民都睇唔過眼偉哥仰「見人衝,自己鬆」,急速赛车鬧爆佢「勇武」變「草」,口裡說「寧為玉碎」,身體就很誠實地「寧為瓦全」;一方面講「公民抗命」,一方面「公民逃命」咁話。向來睇「本民前」唔順眼「熱狗」(「熱血公民」)得知消息後亦大肆抽水,叫佢「去就唔好返」咁話。

  偉哥仰不時呼籲年輕人走在「抗爭」最前線,又話要革命又話要流血。香港文匯報昨日踢爆佢涉嫌棄保潛逃,消息一出,大家即刻議論紛紛。網民「Chen Rose」就揶揄佢:「唉呀之前好型,做乜走佬呀?」「Sing Chan」亦話:「無壞,證明到係玩『獨立』,搞笑就真,望牢已懼!」

  「Edith Ho」就補刀表示:「寧為玉碎不作瓦全去邊?『 無畏無懼』又去左()邊?哈,佢走人了!!」「Po Tai」就將佢「金句」改成:「寧為玉碎,不如棄保!」

  民建聯東區支部facebook亦轉載了香港文匯報的報道,笑偉哥仰「又要威,又要戴頭盔」,批評佢:「成日口講公民抗命,無畏無懼,但倒(到)頭來又唔敢承擔法律責任......一有事就草、一係就鬧政治打壓、再唔係就搞大型集會圍堵法院企圖干預司法。」

  曾經有偈傾、後尾因為選舉反晒面「熱狗」都即刻出抽水,「熱狗」前頭目黃洋達個老婆殘獸胃(陳秀慧)亦facebook出飛機文︰「不嬲都話『獨派』青年係緊隨『國師』(『城邦派』陳云根)架()啦,雖然你地()唔認,但無晒辦法就自然諗起『國師』既()主張。」事關「國師」傻根就主張出國躲避,尋求外國政治庇護。

  傻根平時唔關佢事都認屎認屁,今次當然又要出威啦,fb出文話︰「秀慧說得對,即使是陳雲haters(憎恨者),在危難的時候,也是忠實地跟隨陳雲的主張。」殘獸胃就加多句:「法庭不止一次批准佢地()出國,真係唔知原來要成十幾萬保釋金既()疑犯,香港法庭會咁寬鬆!」

  殘獸胃又叫偉哥仰「去就唔好返黎()」,仲踩多腳話:「堅係實踐著()草走佬都係一種才能。」「Sam Wong」就留言話:「『英雄』走佬隔住隻Mon,攬住條女叫大家唔好放棄,諗起都熱血沸騰。」

  《熱時》前總編輯何偉健「Edward Ho」就話:「其實長住外國咪幾好,睇佢地()呢一兩年不事生產都活得肥肥白白,下半世都應該生活無憂。」點解個個都叫佢走?梗係啦,「本民前」支柱都走埋,「熱狗」作為既得利益者就最開心,難怪食花生食到出面。